.png)
.png)
.png)
Lovers of the Universe a.s.b.l. invitéiert Iech op déi drëtt Editioun vum FADO RALI A GESANG. Eng immersiv Fado-Erfarung am Häerz vum pittoreske Duerf Larochette – wou de Geescht vu Portugal duerch d’Stroosse schwieft an mir déi déif Kläng vum Fado an eisen Häerzer spieren.
D´Fiels, mat senger lieweger portugisescher Gemeinschaft, wäert nees am Rhythmus vun de Gittaren an de passionéierte Stëmme vun de Fado-Sänger opliewen. Fir dës drëtt Editioun presentéiere mir net manner wéi 11 intim Fadoconceren awer och Lëtzebuerger Musek, an de gemittleche Caféë vum Duerf an op der Haaptplaaz. De ganzen Dag iwwer hutt Dir d’Méiglechkeet, vun engem Concert bei deen aneren ze flanéieren – jidderee mat senger eegener Ambiance, an alles bequem zu Fouss erreechbar.
Mat dëser neier Editioun kënnt Dir Iech op eng musikalesch Erfarung voller Emotioune freeën. Siwen traditionell Fado-Gruppen, dei gréisstendeels aus Portugal kommen, wäerten déi ganz Déift an Authentizitéit vun dëser emblematescher Musek zum Liewe bréngen.
Fir d’éischte Kéier gëtt de Fado Programm och duerch véier ikonesch Gruppen aus der lëtzebuergescher Musekszeen beräichert, dorënner den Josh Island a den Serge Tonnar, déi exklusiv akustesch Opféierunge presentéieren wearten. Eng eenzegaarteg Renconter tëscht der emotionaler Déift vum Fado an der Exzellenz vun der lëtzebuergescher Folk Szene.
Nieft der Musek kënnt Dir interkulturell Stänn entdecken, déi d’kulturell Wuerzele vu Portugal ervirhiewen, eng authentesch portugisesch Kichen genéissen an eng beandrockend Fotoausstellung vum Paulo Lobo besichen.
Well d’Plazen an de Caféë limitéiert sinn a séier besat kënne sinn, rode mir Iech un, fréi ze kommen, fir d’Concerten an hirer ganzer Atmosphär ze genéissen.
Kommt mat eis en onvergiesslechen Dag voller Musek, Emotiounen a kulturelle Momenter erliewen. Mir freeën eis, Iech erëmzegesinn an zesumme mat Iech d’Freed un der Musek an d’Gesellegkeet beim FADO RALI A GESANG ze feieren.
PARK & RIDE – PARKING FILANO (Um Birkelt)
D’Parkméiglechkeeten am Zentrum vu Larochette si ganz limitéiert. Mir roden Iech dofir, de Parking Filano (Um Birkelt) ze benotzen.
Regelméisseg Navette fueren all 15 Minutten tëscht dem Parking an dem Site vum FADO RALI A GESANG (2 km), vun 11:30 Auer bis 23:30 Auer.
Eng zweet speziell Navette, organiséiert vun der Gemeng, suergt och fir d’Verbindung mat den Awunner vun Ernzen.
HAAPTCONCERT
Ana Laíns
Eng vun de grousse internationale Stëmme vum Novo Fado.
Programm
D'Plazen an de Programm kënnen nach geännert ginn. Kuckt w.e.g. Enn August no den aktualiséierten Informatiounen.
HAAPTCONCERT
serge tonnar
déi emblematesch Stëmm vun der lëtzebuergescher Musekszeen.
Kënschtler
D'HALUNKEN
12:00 place bleech
D'Halunken, dat sinn vill Stëmmen, Gitarren, eng Cajon, eng Ukulele, eng Tuba an een Akkordeon, gesongen a gespillt vun engem bonte Koup vu jonke Mënschen, déi säit dem Summer 2013 aus Freed un der Frëndschaft an dem Musizéieren zesummen optrieden. Am Gepäck hu mer eng ganz Rëtsch u lëtzebuergeschen, franséichen, engleschen an däitschen Lidder aus dem Folk a Singer-Songwriter Beräich, déi mol fir ze versénken sinn oder zum Matwibbelen a Matsangen alueden."
MAria tejada
13:00 cafe marinho
Et war op enger Rees a Portugal, wou d’Maria Tejada eng déif Verwandtschaft tëscht dem Fado an dem Pasillo, dem emblematesche Genre aus Ecuador, entdeckt huet. Béid Stiler deelen eng änlech akustesch Ästhetik, bei där d'Stëmm mat enger Begleedungsgittar an engem solisteschen Instrument dialogéiert, an eng nostalgesch Poesie, déi vun der Léift an dem Alldag vun hirem Vollek erzielt. Inspiréiert vun dëser musikalescher Begeeschterung huet d’Maria hiren eegene kënschtlereschen Universum entwéckelt, an deem sech Traditioune mat Sensibilitéit an Authentizitéit begéinen. Als eng vun de wichtegste Stëmme vun der ecuadorianescher Musekszeen huet si sech duerch hiren Engagement, hir fein a charaktervoll Stëmm an hir Fäegkeet, verschidde Repertoireen z’entdecken, wärend si hiren eegene Stil entwéckelt, ervirgedoen. Haut an hirer kënschtleresch Reifheet, ass d´Maria Tejada zu enger aussergewéinlecher Interpretin gewuess, woubäi hir Musek eng beréierend Bréck tëscht Kulturen a Generatioune schléit.
paula oliveira
14:00 Café du château
D’Paula Oliveira ass eng Fado-Interpretin, déi zu Lëtzebuerg wunnt an sech zënter e puer Joerzéngte dëser Konscht widmet. Och wann de Fado fir si virun allem eng déif Passioun ass, huet si et fäerdeg bruecht, dës Konschtform harmonesch mat hirem beruffleche Wee ze verbannen. Mat hirer aussergewéinlecher Stëmm, déi sech besonnesch gutt fir den Ausdrock vum Fado eegent, an hirem räichen a variéierte Repertoire zielt d’Paula zu de wéinege professionelle Fado-Sängerinnen zu Lëtzebuerg. Si ass op ville Bühnen zu Lëtzebuerg an am Ausland opgetrueden, an Auditorien, bei Dinner-Concerten oder an ënnerschiddleche Säll, ëmmer begleet vu professionelle Gittaristen. Mat all hirem Optrëtt deelt si mat Authentizitéit d’Emotioun, d’Déift an d’Séil vum Fado.
irina holzinger
15:00 place bleech
D’Irina Holzinger ass eng dynamesch an erfuerene Singer-Songwriterin, déi fir hir eenzegaarteg Stëmm, hiren eegene Sound, hir emotional Déift an hir ausdrocksstaark Optrëtter bekannt ass. Mat engem Parcours voller Kreativitéit, Zesummenaarbechten a Passioun huet si sech als eng markant Kënschtlerin an der lëtzebuergescher Musekszeen etabléiert. Si verbënnt einfach a gräifbar Melodien mat intimen a poeteschen Texter a schaaft domat e Stil, deen authentesch hireen ass.
Virun allem bekannt als Frontsängerin vun der Band IRINA, huet d’Irina sech awer ëmmer nees erausgefuerdert, andeems si och eleng op der Bühn stoung an hir eege Musek geschriwwen an interpretéiert huet, ouni de Sécherheetsnetz vun hire Bandkolleegen. Hir musikalesch Rees war ëmmer eng gedeelt Erfarung, virun allem mat hirem Liewens- a Bünepartner Kim Mersch (Museker a Songwriter).
rui simoes
16:00 CAFé de la place
De Rui Jorge Simões ass e Sänger deen Ursprünglech aus Lissabon kennt. Seng Passioun fir de Gesang huet sech schonn am Alter vu 17 Joer entwéckelt, wéi hien ugefaangen huet, sech eeschthat mat der Fadowelt ze beschäftegen. Säin Talent huet him vill Auszeechnungen a verschiddene Concoursë bruecht, dorënner eng bemierkenswäert Victoire bei der „Grande Soirée de Fado“ zu Porto am Joer 1999.
Seng Konscht huet hien wäit iwwer d’Grenze vu sengem Heemechtsland Portugal gedroen, mat Tourneen a Frankräich, Däitschland, Lëtzebuerg an der Belsch. A sengem eegene Land huet hien och um Fernseh grouss Unerkennung kritt, mat enger Rei vu Concerten, déi op nationalen Televisiounssenderen ausgestraalt goufen.
De Rui huet Portugal vu Norden bis Süden an alle Richtunge bereest. Seng Stëmm huet vill verschidde Veranstaltungen zum Liewe bruecht, vun Aktivitéite vu Parverbänn a Gemengeréit bis hin zu Fester, déi a Stied an Dierfer gefeiert goufen.
lucia araujo
17:00 Café fielserstuff
D’Lúcia Araújo, eng passionéiert Fadista, gebuer zu Aveiro a Portugal an zu Paräis doheem, verkierpert mat Eleganz an Authentizitéit déi zäitlos Essenz vum Fado. Hir Stëmm, gläichzäiteg staark a voller Feingefill, bréngt déi déif Emotioune vu Nostalgie a Saudade zum Liewen an zitt d’Publikum iwwerall do a säi Bann, wou si optrëtt.
Vun de gemittlechen, intime Fado-Säll zu Lissabon bis zu de liewege Bühnen zu Paräis, geet hiert Talent iwwer Grenzen eraus a beréiert d’Häerzer vun den Nolauschterer uechter Europa. All Optrëtt ass eng éierlech a bewegend Rees an d’Häerz vum portugisesche musikalesche Patrimoine, déi d’Zuschauer duerch d’Déift an d’Oprechtheet vun den Emotiounen, déi si vermëttelt, verzaubert.
D’Konscht vum Lúcia Araújo besteet net nëmmen doran, de Fado ze sangen: et geet drëm, en ze liewen, ze spieren an seng ganz Kraaft, seng Séil a seng Schéinheet zum Ausdrock ze bréngen.
josh island
18:00 Place Bleech
De Josh Island, e lëtzebuergesche Kënschtler mat internationaler Ausstralung, huet eng aussergewéinlech Stëmm an eng rar Bühnenpräsenz, déi et him erméiglechen, eng emotional Intensitéit ze vermëttelen, déi de Leit laang am Gediechtnes bleift. Zanter senge musikaleschen Ufäng zu Lëtzebuerg am Alter vu 15 Joer huet hien eng bemierkenswäert Karriär op europäesche Bühnen opgebaut. Dobäi huet hien d’Bühn mat international renomméierte Kënschtler wéi Passenger, James Morrison, Katie Melua, Clueso an Alec Benjamin gedeelt an op prestigiéise Fester uechter Europa opgetrueden.
Seng Optrëtter zu Lëtzebuerg si mëttlerweil rar a besonnesch prestigiéis. Seng Concerten an der Rockhal oder am historesche Kader vum Alt Stadthaus weisen d’Dimensioun vu sengem Talent a seng Fäegkeet, all Optrëtt zu engem eenzegaartege Moment ze maachen, wou Emotioun, Authentizitéit an d’Noperschaft zum Publikum am Mëttelpunkt stinn.
joana de deus
19:00 Café europe
Gebuer zu Lissabon, ass d'Joana de Deus eng aussergewéinlech Fado Sängerin, déi d'Publikum schonn a Portugal an a villen europäesche Länner begeeschtert huet. Mat nëmmen 29 Joer huet si sech an der Welt vum Fado en Numm gemaach -dank hire gefillsstaarken Interpretatiounen an hirer eenzegaarteger Fäegkeet, déi déifst Emotioune vun dëser musikalescher Traditioun vermëttelen.
Hir Rees, déi virun 11 Joer ugefaangen huet, huet si vun den intime Fado Owender an den historesche Fado Haiser vu Lissabon op renomméiert Bühnen a Bulgarien, Däitschland, Frankräich, der Belsch an zu Lëtzebuerg gefouert. Hir grouss Léift an Engagement fir dës Konschtform hunn si dozou bruecht, portugisesch Gittar bei renomméierte Meeschteren ze studéieren an esou hiert Verständnis vun de Fado Traditiounen nach weider ze verdéiwen. Als eng vun de wichtege Stëmmen an der Lissabonner Fado Szen trëtt si reegelméisseg an de bekanntste Lokalitéite vun der Haaptstad op an huet un e puer vun de bedeitendste kulturellen Evenementer deelgeholl, dorënner d’Gala zum 100. Gebuertsdag vun der Amália Rodrigues am Coliseu vu Lissabon, virun engem Publikum vu ville bekannte Perséinlechkeeten, dorënner och de President vun der Republik.
Juliana duarte
20:00 place bleech
Ee vun de groussen Highlighten vum Owend ass ouni Zweiwel d’Juliana Duarte, déi op der grousser Place Bleech optriede wäert.
D’Juliana Duarte ass eng vun den authenteschste Stëmmen an der haiteger Fado Zeen. Si verkierpert wéi kaum eng aner Kënschtlerin de klassesche Fado vu Lissabon a senger ganzer Déift an Eleganz. Hir Konscht huet si an de renomméiertste Fado Haiser vu Porto perfektionéiert, wou si zanter Joren de Publikum mat hirer Ausdrockskraaft an hirer emotionaler Déift begeeschtert.
Mat hirer waarmer Stëmm an enger éierlecher Bühnenpräsenz mécht si déi déif Melancholie an déi onverwiesselbar Saudade vum Fado op eng ganz besonnesch Aart a Weis spierbar. D’Juliana Duarte versteet et, d’Traditioun vun de grousse Fado Sängerinnen ze bewahren an hir gläichzäiteg duerch hir ganz eegen artistescher Sensibilitéit eng perséinlech an onverwiesselbar Note ze ginn.
serge tonnar
21:00 PLACE Bleech
Fir dei 3. Editioun vum Rali do Fado wäert ee vun den emblemateschsten Auteur-Komponist-Interprete vu Lëtzebuerg op d’Bühn kommen: de Serge Tonnar, e Kënschtler, deem säin Numm enk mat der zäitgenëssescher musikalescher Identitéit vum Land verbonnen ass.
Zanter méi wéi dräi Joerzéngten ass de Serge Tonnar eng onverzichtbar Stëmm an der lëtzebuergescher Musekszeen. Auteur, Komponist, Interprete a Geschichtenerzieler, steet hie fir vill méi wéi nëmmen e Museker: hien ass eng kënschtleresch Gewëssen, en Observateur vu senger Zäit an ee vun de grousse Vertrieder vun engem engagéierten, kriteschen an déif mënschleche Lidd.
Mat senger poetescher Schreifweis, sengem Humor, senger Ironie an enger grousser emotionaler Kraaft huet hien e Wierk geschaf, dat d’Hoffnungen, d’Widderspréch an d’Froen vun der lëtzebuergescher Gesellschaft reflektéiert. Seng Lidder schwätze vun Identitéit, mënschleche Bezéiungen an der Welt ronderëm eis – ëmmer mat Éierlechkeet an enger déifer Verbonnenheet mat sengem Land, senger Sprooch a senge Leit.
Fir dësen aussergewéinlechen Owend wäert de Serge Tonnar sech am Trio presentéieren, an enger intimer Formatioun, déi de ganze Räichtum vu sengem Universum zum Virschäi bréngt. Wéi de Fado dréit och seng lëtzebuergesch Musek d’Spure vun Emotioun, Erënnerung a mënschlecher Wourecht. Seng Lidder ginn déif Gefiller eng Stëmm a verwandelen individuell Geschichten an universell Erliefnesser.
ana laíns
22:00 place bleech
Mat grousser Freed presentéiere mir bei der drëtter Editioun vum Rali do Fado eng vun de grousse internationale Stëmme vum sougenannte « Novo Fado »: d’Ana Laíns. Eng Kënschtlerin, déi eise Festival mat hirer Präsenz beräichert an ee vun den Héichpunkter vun eisem Programm wäert sinn, andeems si dem Publikum d’Authentizitéit, d’Emotioun an déi déif Séil vu Portugal méi no bréngt.
Iwwer d’Ana Laíns ze schwätzen, heescht iwwer Portugal an enger eenzeger Séil ze schwätzen. “D´Portugaliteit”, déi si verkierpert, ass hir grouss Passioun, awer och hire Pass fir d’Welt, wou si zanter méi wéi 25 Joer mat aussergewéinlechem Succès optrëtt.
Mat enger eenzegaarteger Stëmm, enger magnetescher Bühnenpräsenz an enger déifer Verbindung zu de kulturelle Wuerzele vu Portugal verkierpert d’Ana Laíns d’Fäegkeet vum Fado, sech nei ze erfannen, ouni jee seng Essenz ze verléieren. Hir Musek ass eng Bréck tëscht Traditioun a Modernitéit, tëscht Erënnerung an Zukunft, tëscht Portugal an der Welt.
Mat déifer Emotioun begréisse mir d’Ana Laíns um Rali do Fado a feieren eng Kënschtlerin, déi d’Séil vun engem Vollek an sech dréit an d’Universalitéit vun enger Musek verkierpert, déi d’Häerzer op alle Kontinenter weider beréiert.
PLAZEN
CAFÉ DE LA Place
5 Place du Marché, Larochette
CAFÉ DE L'EUROPE
11A Rue de Mersch, Larochette
Ausstellungen
12:00 - 22:00 place bleech
PAULO LOBO
Fotograf
Paulo Lobo gouf 1964 zu Baixa da Banheira a Portugal gebuer. Am Alter vu sechs Joer ass hie mat sengen Elteren op Lëtzebuerg ausgewandert. Scho vu jonken Joren un huet hien eng grouss Passioun fir d'Fotografie entwéckelt. Hien huet sech d'Konscht vun der Fotografie fir d'éischt als Autodidakt ugeeegent an huet säi Wëssen duerno an engem Fotoclub an duerch vill Ateliere weider verdéift.
Méi Informatiounen >>
https://paulobo.com/fr/accueil
Libraria Pessoa
Bicherstand
D'a.s.b.l. PESSOA fërdert d'Liesen op Portugisesch, mécht d'Literatur vu portugiseschsproochegen Auteuren bekannt a bedreift eng mobil Librairie zu Lëtzebuerg.
HAAPTCONCERT
josh island
déi aussergewéinlech Stëmm vun der neier lëtzebuergescher Musekszeen.
Eis Partner
